Dimapur Press Club züngsemtem tenük anepalu

Dimapur, September 20 (TYO) : Deobarnü Dimapur Press Club-i Lions Club, Dimapur den yaritepa Lions Health Centre nung eye screening camp ka ayongzüka agi.
Iba eye screening camp nung DPC züngsem 20 den timba den ano DPRO Dimapur nungia ketdangsertemi shilem agi.
Jorhat Lions Eye Hospital nungi doctor telok ka Dimapur nung anogo ananü atema aru aser parnoki screening camp nung DPC züngsemtem tenük reprangba den medical advice agütsü.
Doctor temi osangbenertem aika tenük nung timtem aliba reprangtet aser parnok dang tenük aina kahloktsü ashi aser mozütem angati agütsü.
Dimapur Press Club-i sangdong ka nung Lions Club, Dimapur aser Jorhat Lions Eye Hospital nungi doctor tem dang angati teyari agütsüba atema pelaba metetdaktsü.