Dimapur railway station nung auer ka apu

Dimapur, January 24 (TYO) :Hokolbar aonung 7:55 ako meta RPF sepaitemi Dimapur railway platform nung mita aodang nisung ka ket nung ozüng alema amshiba Ativan mozü bena aliba apu.
Iba nisung ya Morigaon, Assam kübok Abdul Mistri’er jabaso Babul Ali ta jangjaogo.
Babul Ali ji BG Express train nung mena liasü aser RPF personnel-i pa dak temulung melemi bilemba agi pa mita reprangdang pai kichiba nungi langka ka kimaleni merepzüka yok. Sepaitemi iba taleptsü lapoka reprangdangdang Ativan tablet strip 3 liasü.
Ativan mozü ya nisung amoa odaktsütsü atema amshir aser Babul-i ashiba agi, pai iba mozüji chiyungtsü aser tajemtzü nung meyokteper passenger nemsa agütsü aser parnok mejanga aoba sülen auya.
Pa tang GPRS ket nung yua lir.