Dimapur Rotary Club-i Vocational Month ayongzük

Dimapur, Aenjeti/January 31, 2020 (TYO): Dimapur Rotary Club-i Brehostibarnü (30.01.2020) sentong ka ayongzüka liasü. Iba sentong agiba mapang wadang/maparen balala nung takok tajung angutem aser lokti tsüngda tesendaktep ajungkettsütsü mechi khuret bena aser bendanga agüja inyaker nisungtem nem tetushi aser tenüngsang agüja liasü, ta sangdong ka ajanga Dimapur Rotary Club, President (2019-20), Ashok Agarwal-i metetdaktsü.
Rotary Centre nung Rotary International ajanga January 30, 2020 nü Vocational Service month amungtsü tetuyuba agütsüba ama, iba sentong ayongaüka liasü. Sentong nung award agizüker punguprongla ya categories/vocation balala atema pei department nungi shima liasü.
Item award agizüker temji Ms. Luheli Sema (Best Women Traffic Constable), Smti. Pratima Rana (Best Nurse, DHD), Lohitson Sangma (Best Electrician), Gandhi Dom (Best Sweeper, DMC) aser Tanu Babu Singh (Best Postman, Mukhiya Dak Ghar Dimapur) den külemi Four Way Test asütsü.
Iba sentong ya Rtn. Mrs. Kitoshi Zhimomi lenisüba kübok agi aser sentong nung Rotary züngsemtem, tongtibang nisungtem aser tongti tesemdanger tem aruagi dena liasü.
Kasa sentong nung Rotary Club-isa makamaiter kibong nungi takok tajung angur kaketshir ana nem scholarship agütsü aser wheel chair ka tenal agüja liasü, ta kasa sangdong ajanga metetdaktsüogo.