Dimapur traffic atema sangdonger

Luroi/August 13 (TYO): Luroi/August 15 nü DDSC stadium nung 72buba Independence Day anogomung sentong agitsü aliba dak sendakba nung Dimapur Traffic Police-i yimti nung traffic ozüng kar melenshia benoktsü, ta tanü Commissioner o Police, Dimapur-i sangdong ka ajanga metetdaktsü.
Car Pass ‘Z’ (red) alirtem DDSC Stadium telungi aitsü melatsü aser Car Pass ‘Y’ (Green) alirtem DDSC Stadium-i aolen Tragopan point telungi aitsü melatsü.
New Field Check Gate khenyongi shibangtsü aser anepdang 7:00 ako nungi sentong matem tashi inter-state check gate ajanga senzütsü memelatsü; Tragopan point nungi gari aittsü khenyongi memelatsü saka car pass aliba garitem dang senzütsü melatsü. City Tower nungi Tragopan point tashiji car Pass alirtem dak alaka tanga gari ajak atema ‘no entry zone’ asutsü aser traffic ji City Tower nungi Plaza point aser Tragopan Point nungi Eros lane len senzüdaktsütsü, ta kasa sangdong ajanga metetdaktsü.
Iba dak alia Khermahal point nungi Anwar Hussian road aser Anwar Hussian road nungi Khermahal point tashi gari senzütsü memelatsü.
Item traffic ozüngji Luroi/August 15 anepdang 7:00 ako nungi sentong matem tashi alitsü, anungji timtem majurutsü atema Car Pass aguja alirtemi gari nung ibaji maloktsü metetdaktsür, ta sangdong nungsa shia lir.