Dimapur Traffic police-i metetdaktsür

Dimapur, May 17 (TYO): May 20, 2019 nungi June 6, 2019 tashi aonung 10:30 ako nungi anepdang 5:00 ako tashi Patkai bridge/Kukidolong bridge lenmang nung ali aonba ajanga Dimapur Traffic-i gari tulutem senzütsü mapang salatsüogo.
Newfield aser Dellai check-gate nungi aruba gari tulutem aonung 8:00 ako nungi senzütsü lateta aliba 7:00 nungibo senzütsü lapoktsür, ta Addl. Dy. Commissioner of Police/PRO, Dimapur-i metetdaktsü.
Maneni, temalen agüja aliba mapang Dimapur aser Kohima tsüngda senzüba Light Motor Vehicles (LMVs) 7th Mile -New DC Office-Shokuvi – Razaphe – Mhaikam – Pimla – Mhainamtsi – Jhornapani / Medziphema ajanga senzütsü akok, ta Dimapur Police-isa ashi.