Dimapur Traffic Police-i National Road Safety Awareness among

Dimapur, February 13 (TYO): Linük tesem ajak den liromedema Dimapur Traffic Police-i February 4-10 tashi “Sadak Suraksha – Jeevan Raksha” omen nung ajemdaker National Road Safety Awareness hopta piyong agiogo, ta tanü Addl. Dy. Commissioner of Police/PRO, Dimapur-i sangdong ka nung metetdaktsü.
Hopta piyong iba sentong agidang Dimapur Traffic Police-i school kaketshirtem aser Dimapur nung sensotem nem Road Safety indang Pamphlets aser bookmarks lema agutsü, iba denji külemi yimti tesem balala nung sü nung o zülu (banners) balala meyanga ayu.
Officer-in-Charge, Zone – I, Mhathung Patton-i Air Force Rangapahar, Dimapur nung Air Warriors aser parnok kibongtem dang Traffic Rules indang tesayuba agutsü, iba dak alia AM/PM Petro Pump Chumoukedima nung HK hospital nungi medical team ka anir auto anishirtem nem angati medical camp ka ayongzüka katsüogo, ta kasa sangdong nung shia lir.
Dimapur Auto Drivers Union den ayongteper Dimapur Traffic Police-isa Chumoukedima nung auto anishirtem aser Dimapur Train Station nung auto anishirtem atema Road safety indang Road safety awareness sentong tatsüka ka ayongzüka katsüogo.
Iba dak alia Road Safety Awareness atema Girls Scooty Rally ayonga agi.
Traffic Awareness Campaign kanga takok ngua agiogo aser iba dak sendakba nung Dimapur Traffic Police-i Apex Motor aser Okusa Automobiles Pvt. Ltd dang Road Safety leaflets/pamphlets lemtsüba nung yariba atema pelar, H.K Hospital-i angati health check-up nung yaritepba aser DADU den nüburtemi amalitepa yaritepba atema pelar, ta kasa sangdong ajanga metetdaktsü.