Dimapur U-23 team-i inter district asayamung kokogo

Dimapur, Rongchii 18: NCA Stadium, Sovima, Dimapur nung final asaya tembangba sülen Dimapur Under 23 team takok marok bener ketdangsertem den külemi tangokba noksa nung angur.

Dimapur, Rongchii 18 (TYO): Under 23 inter district cricket tournament final asaya nung Dimapur team-i Tuensang team wicket 10 agi koka asayamung akok.
Iba asayamung ya Nagaland Cricket Association-i ayongzüka NCA Stadium, Sovima, Dimapur nung asayaaogo. Asayamung nung Dimapur, Kohima,Tuensang, Mon, Mokokchung, Peren, Zhuneboto aser Wokha nungi asayartemi shilem agia liasü.
Final asaya nung toss akokba sülen Tuensang puri mezüng bat asütsü asoshi shimtet. Parnoki over 36.3 nung ajak out sür run 176 yanglutet. Parnok rongnungi Aditya-i run 62, Changsomba-i 28 aser Rakhu-i run 16 yanglu.
Dimapur bowler tem rongnungi Akavi-i wicket 3, Nagaho-i wicket 3 aser Liremo-i wicket 2 agi.
Asaya tanabuba shilem nung Dimapur team-i run arishiba nung wicket ka danga out mesüi run 177 yanglua iba asayamung kokogo. Dimapur nungi Sedezhalie-i run 105 n.o aser Puchu Deb-i run 51 n.o yanglu.
Asayamung nung kija sempet angurtem yamai alitsü:
Player of the tournament- Tahmeed Rahman (Dimapur)
Best bowler – Akavi Yeptho (Dimapur)
Best batsman – Sedezhalie Rupreo (Dimapur)