Dimapur Watsü lokti senden amener

Dimapur, May 12 (TYO) : Dimapur Watsü Telongjem 33 buba lokti senden May 13, 2017 (Saturday) anepdang 10:00 ako nungi Sakus Mission College, Langmark mepu nung alitsü sentong renema lir.
Iba senden sentong nung Dimapur Govt College nung Principal, Wb.Akok Wallingi ” Terenemtet Tetsür” ta asüba onük nung jembitsü aser NWHD nung tir Wt.Arenla Aieri tayongzükba o agütsütsü. Iba sentong nungsa Akhoyatsürtemi tetsü tebuo ken ka atentsü aser Molungkimongtsürtemi temeja ken ka atentsü.
Iba senden nung watsülar ajak Aotsür sübutsü meraketa sübur arutsü asoshi ketdangpurtemi mepishia metetdaktsüogo.