Dimapur Watsü Telongjem 33 buba lokti senden liogo

Dimapur, May 13 (TYO): Honibarnü Dimapur Watsü Telongjem 33 buba lokti senden Sakus Mission College, Dimapur nung ayongzüka liogo.
Iba sentong ya “Terenemtet Tetsür” omen nung ajemdaker agi aser onük jembirji Dimapur Government College Principal, Wb. Akok Walling liasü.
Tetsürtemi shilem magira, loktiliba tejakleni moutettsü aser mezüngbuba lokti rejuji kibong lir aser iba nung tetsürtemi tongti shilem agir, ta tanü Dr. Akok-i o jembidang ashi.
Terenemtet tetsür kaji lokti maparen, yimten yimli nung dang masü saka tanela nunga terenemtet alitsüla, ta paisa watsütem ayongzüka jembi.
Iba sentong tenzüka DABA, Deacon Wt. S Awala Lkr-i lai zünga sarasadem aser NWHD Tir, Wt. Arenla Aier-i tayongzükba o jembi.
Tanü amenba senden nung Dimapur Watsü Telongjem ketdangpur tasen shim aser parnokji Tir- Yarsangla, Tatong Tir- Rongsenla, Tongti Tezülur- Aoinla Jamir, Repsem zülur- Limala nunger lir. Parnok den külemi senotsü zülur den züngsem 6 shimok.