Dimapur wholesale market nung ‘local’ shishilembar dang mayoker

Dimapur, April 7 (TYO): Dimapur nung local shishilembartemi village councils/bangdakpur ket nungi temelaba shidi bener oaka wholesale market nung lijaliyong mesüteter, ta Business Association of Nagas (BAN)-i metetdaktsüogo.
Dimapur nung whole seller temi local tem dang parnoki aginüba peria mali mesüra parnoki bener aruba gari ilara ta shia mayoker, ta BAN-isa ashi.
April 3 nü State sorkari tentettsüba special committee aser tangartem den külemi senden ka amendang wholesale market nungi lijaliyongtsü atema administrative officer/GB/ village council nungi temelaba shidi bener arutsü lemtet, ta tanü BAN-i ashi.
Dimapur nung village council/colony temi wholesale market nungi parnok tangutsü mengura, iba ajanga nübortemi timtem aser tetsükdaktsü ajurutsü. Anungji iba ama tensa tamajung ka nung bangdak ketdangsertemi ajak peria angutsüsa mapa inyaktsü mepishir, ta BAN-isa metetdaktsü.
Dimapur wholesale market nung kulikaket shitak bener oa lijaliyong mesütetertemi BAN nem 9436012590/ 962588719/ 7005609377 ajanga osang agütsütsü metetdaktsür, ta parnokisa ashi.
BAN-isa ketdangsertem aser village council tem dang jenjang atuba inyakyim mita azüoktsü atema mepishia metetdaktsüogo.