Dimple aser Nolan nati ‘Tenet’ tangok tenzükogo

Chiteni/July 29, 2019 (Agencies): Nüngtugu Bollywood actress tejen Dimple Kapadia, shibai Academy Award angusang director Christopher Nolan indang taruba film ‘Tenet’ atema shilem tongtibang ka ngua liasü, iba osang angazüka fans aika yongyaseta arudar.
Tenet film ya spy thriller otsü kas asütsü, ta taoba mapang osang ajanga jangjatsüogo.
Tang film ya Estonia tesem nung tetangokdak lir aser film set nung Kapadia aser Nolan na sensaksemba noksa ka internet nung merokmi ama proka odar.
Osangtem ajanga angazükba agi, iba film ya India densema linük tenet nung lemsar tatongi tangok yonga aotsü. Taküm küm September ita Nolan-i film atema scene tem Gateway of India, Taj Mahal hotel aser Colaba Market tesemtem nung tangoktsü ternemba lir.
Iba film nung Dimple dak alaka, John David Washington, Elizabeth Debicki aser Robert Pattinson nungeri shilem agiba angutsü. Ano osang ajanga angazükba agi, film atema cast tsen rongnung Aaron Taylor-Johnson, Kenneth Branagh, Clemence Poesy aser Michael Caine nunger anisemogo.