Dipa-i Asian Gymnastics Ch’ships bronze agizükogo

Hiroshima, August 03 (Agencies): India tsür Dipa Karmakar-i tang tasayadak Asian Championships tetsür vault shilem indang bronze medal tanü Hombar nü Japan kübok Hiroshima nung agizükogo.
Defending champion, China tsür Yan Wang-i points 14.988 ngua gold agizük aser Japan tsür Sae Miyakawa-i points 14.812 ngua silver agizük.
2014 Commonwealth Games nunga bronze agizükla, Dipa-i tanü points 14.725 ngua bronze medalji agizüka liasü.
Agartala tsürla, Dipa-i taküm February ita Kerala nung ayongba asayaba 35 buba National Games nunga lar Tripura state asoshi gold medal 5 tashi agizükba osang bushiteta lir.
Arishi küm 21 tain Dipa-i 2014 Asian Games vault final asaya nung points 14.200 ngua 4 buba jenjang anguba osanga jangjaogo.