Diphu nung nisung 27 mim chisemer anepalur

Guwahati, October 13 (Agencies): Assam kübok Diphu town nung nisung 27 tashi chiyungtsü nung mim chisemer mozükidang anepaludar.
Parnok teimbaka Karbi Anglong nung aliba Rengma Naga nungertem lir aser tanüngba nisungtemji Karbi, Lotha aser Kuki nungertem lir.
October 10, 2017 nü Rengma Colony, Diphu Town nung sarasadem sentong ka alidang local bakery nungi amtsük alia achi aser idangji parnok mimji chisema liasü.
Mozükidang anioka anepalurtem rongnung tambusangji arishi küm 62 tain aser tanubosangji arishi küm 2 tain lir. Parnok Diphu Civil Hospital nung anioka lir aser yasüng tesü karbo Dimapur-i anir ogo.
Karbi Anglong nung Deputy Commissioner den Karbi Anglong Autonomous Council nung Executive Members aser züngsemtemi yashi nikongdang Diphu Civil Hospital nung shirangertem semdanga liasü.