Diphu XI aser Whiskers CC na tanü final asayatsü ; 8buba Silver Cup T20 Cricket Tournament

Kohima, March 24 (TYO) : Nepali Baptist Church Kohima Youth Department-i “Cricket ajanga yimjung aser telongjem” omen nung ajemdaker ayonga tanga tasayadak 8buba Silver Cup T2- Cricket Tournament final asaya March 25, 2017 nü Karbi Anglong, Assam nungi Diphu XI aser Whiskers Cricket Club, Dimapur na tsüngda asayatsü.
Iba final asaya ya anepdang 10:00 ako nungi Jakhama Local Ground nung asayatsü aser iba asayamung sentong shibangba mapang Minister for Rural Development & REPA, C L John tetushi tejaoker süa nikongdang 1:00 ako nungi agitsü.
Tanü Hokolbarnü mezüng semi final asaya nung Diphu XI-i wicket 7 tashi agi Radiant CC ayongayonga akok.
Iba asayatsü asoshi toss Diphu XI-i akok aser parnoki mezüng bowling asütsü shimtetba sülen parnoki over 20 nung wicket 8 agi aser Radiant CC telok nem runs 105 ang yangludaktsü.
Radiant CC telok nungi Mungkham-i runs 26 yanglubaji timba liasü aser pa sülen Puchu-i runs 10 yanglu. Diphu XI nungi bowler Mridul-i wicket 3 aser Sanjiv-i wicket 2 agi.
Iba sülen Diphu XI bat asüba mapang parnoki over 15.1 nung nisung 3 ang out sür iba alizüng tonga final asayatsü maongka angu.
Par telok nungi Ishan-i runs timba yanglu. Pai runs 44 aser Rahul-i runs 39 yanglu.
Radiant CC nungi bowler Kechesin-i wicket 2 aser Mungkham-i wicket ka ta sa agi.
Iba asaya nung Ishan-i runs 44 yangluba ajanga pa nem Man of the Match sempet agütsü.
Tanabuba semi-final asaya nung Whiskers CC Dimapur-i runs 28 agi Lower Bayavü Giants madak takok ngua parnoka final tongogo. Parnoki mezüng bat asütsü shimetetba sülen over 20 nung nisung 6 tugur runs 134 yangluteta yutsü.
Parnok telok nungi Hokaito-i runs 50, Jalal-i 27 aser Jitem-i runs 15 (not out) yanglu.
Lower Bayavü Giants nungi bowler Thungjamo aser Sunil nati wicket anana agi.
Lower Bayavü Giants teloki runs 134 ji ajatettsü meranga asayadang over 19.1 nung ajak out sür runs 105 ang yanglutetba ajanga iba asaya nung tamakok angu.
Par telok nungi captain Tapitu-i runs 32, Bicky-i runs 20 aser Ananta-i runs 13 tasa yanglu.
Whiskers CC nungi bowler Jalal-i wicket 3, Imliwati-i aser Shera nati wicket anana agi.
Iba asaya nung runs 50 yanglusang Hokaito-i Man of the Match sempet angu.