Diphubar Ao Arogo nung teintet sensotem anogo among

Dimapur, Mongputeni/October 01, 2019: Mongolbarnü Jubilee Hall, Ao Baptist Church Diphupar, Dimapur nung International Day of Older Persons anogomong nüngtem teintet rogotem nem akhüm agütsüba sentong ka agiba sülen tangokaba noksa nung angur.

Dimapur, Mongputeni/October 01 (TYO): Mongolbarnü Jubilee Hall, Ao Baptist Church Diphupar, Dimapur nung International Day of Older Persons anogomong nüngtem nung Dimapur District Social Welfare Office-i teintet rogotem nem akhüm agütsütsü atema “Journey to Age Equality” omen nung ajemdaker sentong ka ayongzüka agiogo, ta ketdangsertem osang ka ajanga metetdaktsü.
Iba sentong nung tetushi tejaoker o jembidang Dimapur Deputy Commissioner, Kevekha Kevin Zehol-i lokti aser reju balala dang loktiliba nung teintet rogotem anepluba jenjang meyipa reprangshitsüla, ta ashi.
DC-isa nüburtem, talisa lanurtem dang akok tashi teintet sensotem tenzüktsü aser teintet rogotem akhüm keta arishir kümdaktsütsü atema tenangzükba agitsü ayongzük.
Sentong nung DC-isa Rev. Dr. Noksangchila aser Khevihe Chopin na nem Dimapur District indang Senior Citizen Award agütsü.
Sentong nung award angurtemia o jembi, Pastor ABCD, Lipok Jamir-i sarasadem; CDPO Dhansiripar, Kedozokho Peseyie-ia o tatsüka jembi; CDPO Medziphema, I. Tsungrosongla Ao-i okila jembi aser Diphupar A nung Anganwadi workers & helpers o Hekugha H. Shikhu nungeri ken aten.
Iba sentong ya Supervisor, Niuland Project, Zipila leniba nung agi aser CDPO Niuland, Akali-i tepela anküp o jembia sentong tembang.