Diphupar arogo nung Tenyar Ola kenten toktepba agi

Dimapur, August 8 (TYO) : Honibarnü Ao Baptist Arogo Diphupar-i 4 buba Tenyar Ola ta ser kenten toktepba sentong ayongzüka agi.
Iba tetoktepba nung Diphupar telongtet nungi kiyong 5-i shilem agi aser parnok rongnung mezüngbuba jenjang nung Ao kiyong aser tanabuba jenjang nung Agri-Investigation kiyong nati takok angu.
Diphupar kübok kiyong pungu- Agri/ Investigation kiyong, Yimsen kiyong, Tenlaki kiyong, Jail kiyong aser Ao kiyong nunger kenten toktepba nung tetendangertemji Jungshimanen, Music Director, DABA, Yanger, Youth Director (Diphupar B) aser Sentitoshi, Youth Director (Ao Yimkum) nungertem liasü.
Sentong nung L Asang Pongen-i kenten toktepba osang metetdaktsü aser Talinokcha, Joint director, NEZCC o L Imli Jamir natia o tatsütsü jembi.