Diphupar B Ao Baptist Arogo nung Senior Citizen sentong agi

Dimapur, Oct. 05 (TYO) : October 3-, 2015 Diphupar B Ao Baptist Arogo nung women ministry acha-ayanga One day seminar den Senior Citizen Sunday sentong agia liasü ta sangdong ka ajanga metetdaktsü.
Tsüngrem o nung terenemtet taküm omen nung ajemdaker Mr. Maong Jamir, Asst Director Prodigal Home Dimapur-i Tsungrem o tarok jembi.
Paisa, teintet tsüraburtemji Arogo aser Lokti asoshi kanga tongtipang, anungji nenok ajanga nüpurtem asoshi tanularen nung shisatsü tajung sayur teintet taküm asütsü indang tesayuba agüja liasü.
Iba sentong nung shilem agirtem ajak dang pelar aser Tsüngremi nenok taküm kibong moajang ta Mrs. Achila, Asst Pastor Women-i sangdong ka ajanga metetdaktsüogo.