DIPR-i asür Chinenlo Kath mang ayimer

Dimapur, November 6 (TYO) : November 5, 2015 nü Dimapur nung Chinenlo Kath, Photographer ajungbena asüba osang angashia temulung raksar ta Information & Public Relations, Nagaland, Kohima Director aser staff-i sangdong ka nung metetdaktsü.
Asür Chinenlo Kath ya kanga dang nendaka aser bendanga agüja mapa inyakba nisung ka liasü. Pa ya November 11, 2000 nung Assistant Photographer shim aser DPRO Zunheboto nung mapa lemzüktsü aser Photographer jenjang nung ajungjket. Pa Directorate, Kohima nung mapa teinyakdak lia akümli toktsür ogo, ta sangdong nungsa shia lir.
IPR Department-i tasür kibong nem anizüngsük aser tesünep agüjang ta sasarasademtsür ta sangdong nungsa metetdaktsü.