DIPR-i Yazokie asüba mangyimer

Kohima, August 24 (TYO): IPR Additional Director, Dominic Yazokie mapang tatsüka shirangba sülen August 24, 2017 nü Kohima nung anojungi asüba atema Department of Information & Public Relations Director, ketdangsertem aser staff temi mangyimer, ta department-i sangdong ka nung metetdaktsü.
Dominic Yazokie ya 1985 küm nungi Department nung inyaker aser Directorate nung Deputy Director ama meinyakdang küm aika PRO Delhi inyaka liasü. Pai PRO, Raj Bhavan aser Nodal Officer, Chief Minister’s Office naprong reptepa kanga junga inyaka aruogo, ta sangdong nungsa shia lir.
“Dominic Yazokie-i aika ajangshia inyaka aruba ajanga Department nung lenmang sayur ka liasü. Pa mapang tatsüka shirangba mapang nunga department-i pa malibaji metetmeteta liasü. Pa asüba ajanga lokti, talisa Department atema ketdangser tetemjen ka makai kümogo. Iba ama mangyim mapang ka nung Tsüngremi asür kinüngtsü, Ako Nakro, par chirnurtem, semchirtem aser kibong züngsemtem nem tesünep agüjang ta department-i sarasademtsür,” ta kasa sangdong ajanga metetdaktsü.