DIPR nung DSLR Photography training ka agiogo

Kohima, August 04 (TYO): Canon Image Square aser Department of Information & Public Relations senpeter August 4, 2017 nü Conference Hall, IPR Citadel, Kohima nung anogo ka DSLR Photography workshop agiogo.
Iba sentong nung shisalen sayurji Trainer, Canon India, Md. Noor liasü.
Iba sentong nung jembidang IPR Director, Limawati Ao-i, angazükba ya taküm piyong maparen ka lir, aser pa mapa nungi anisüngzükba sülen photography mapa inyaktsü jangrar, ta metetdaktsü.
Paisa pa mapai maidang yongi photography jangraba lemsatepba den külemi shilem agirtem dang iba training nung tajungtiba agi angazüktsü ajungshia liasü.
Shisalen sayuri Aperture, White Balance, ISO, Shutter Speed, Focus aser Exposure indang tesayubatem agütsü.
Deputy Director, Asangla Imsong leniba nung iba sentong agi. Iba training nung IPR ketdangser aser staff tem dak alia osangbenertem, film yanglurtem, freelancers, NCS ketdangsertem, Fisheries Department nungi ketdangsertem, NRM, Raj Bhavan aser RD Department nungi ketdangsertema shilem agia aden.