Dir. of WRD-i training atema tejangrartem jaoker

Dimapur, Luroi/August 14 (TYO): Directorate of Women Resource Development, Nagaland-i, 2026-2027 küm atema Baking & Confectionery aser Hairstyling angazüktsü tejangraba aliba tetsür candidate tem apply asütsü atema jaokogo. Iba ya tanabuba batch asütsü.

Training ya Multi Training Centre (MTC), Bayavü, Kohima nung agitsü aser course shia trainees 10 dang agitsü. Training ya September nungi tenzüktsü aser November ita tembangtsü.

Baking & Confectionery course atema applicant tem ya Class X pass sür alitsüla aser August 31, 2026 tashi nung arishi küm 18 nungi 35 tsüngda asütsüla. Kasaji Hairstyling course atema apply asüba candidate tema Class X pass sür alitsüla aser arishi küm 18 nungi 35 tsüngda asütsüla.

Directorate-i ashiba agi, applications benoktsü atema tatembangbuba anogoji August 26, 2026 asütsü. Candidate tem ya interview agiba sülen shimtsü, koba August 28 nü 10:30 ako nungi tenzüka Multi Training Centre, Bayavü, Kohima nung agitsü.

Applications ya mezüngpur mezüng yayem nung agizüktsü aser course shia atema intake ratio 1:3 asütsü.

Tejangrartem dang parnok indang applications ya Director, Women Resource Development dangi plain paper nung parnok indang bio-data jangja jangja zülur benoktsü metetdaktsüogo. Application den külemi tawa tangokba passport-size photograph ana, mark sheet, birth certificate, ST Certificate aser tanga kuli kakettem peisasa attest sür bener arutsü metetdaktsüogo.

Application tem ya Officer-in-Charge, Multi Training Centre (MTC), Bayavü, Kohima nem agütsütsü. Osang tejangjaba agitsü atema applicant temi iba number: 7005658092 nung tongteprateptettsü, ta metetdaktsüogo.