Direct cash transfer ajanga sen cr 36,000 kümzükogo

New Delhi, November 26 (Agencies): Rongsenkettsüng mapatongtem digitize asüba ajanga küm ka tsüngda BJP-i aniba NDA sorkari sen crore 36,000 kümzükogo, ta Honibarnü Law & Information Technology Union Minister, Ravi Shankar Prasad-i metetdaktsü.
Digitize asüba mapatong rongnung- subsidies aser Mahatma Gandhi National Rural Employment Guarantee (MGNREG) taa Aadhaar ajanga direct cash transfer süa tajangzük angutsüpur accounts nung inoktsüba dena lir, ta pai ashi.
PHD Chamber 111buba senden nung jembidang Minister-i, “Yimtsüng nüburtem nema e-commerce maongka agütsüba ajanga sorkari benokba schemes nungi parnok indang taaji parnok indang accounts nung indangindanga inoktsü, aser ibaji ajanga tesüiba küm ka tsüngda sen tom nung mesamai sen crore 36,000 kümzük,” ta ashi.
Prasad-isa ashiba agi, sensaker aayangertemi tajangzük balala tajungtiba nung ngutettsü nükjdidong nung sorkari digital aser e-commerce amshitsü meranger.