Director Agnes Varda alima nungi pilaogo

Metsüremi/March 30 (Agencies): Nüngtugu France tsür Agnes Varda, shiba 1960s mapang New Wave scene nung tetsür director rongnung alimai la tali jangjaa küma liasü, la arishi küm 90 nung süogo, ta March 29 Rogonü kinungertemi osang metetdaktsü.
“Director aser artist Agnes Varda ya March 28 Brehostibarnü cancer tashidak agi asü. Lai shirangba mapang kinunger aser medemer ajungai takok tashi yariogo,” ta kinungertemi ashi.
La (Varda) tain kümaka lai tatemsa, autobiographical documentary tasen ka yanglu koba taoba ita Berlin film festival nung saya liasü.
2018 küm November ita nung ‘Faces Places’ film atema Varda-i Oscar agizüka liasü. Iba mapang la ajok sür liasü saka Hollywood star Angelina Jolie den lai tsüngsang, ta osangtem ajanga metetdaktsü.
1962 küm Vard indang mezüng feature film ‘Cleo de 5 a 7’ (Cleo from 5 to 7) ajanga nüburtemi la ano tali jangjaa aküm.
Iba sülen Varda-isa ‘Black Panthers'(1968), ‘Hi Cubans!’ (1971) aser ‘Far From Vietnam'(1967) densema United States aser Cuba na indang yimtenren indang documentary yanglua liasü.