Director ajaki Hrithik nübu aginer: Sanjay Gupta

Mumbai, June 25, 2016 : Sanjay Gupta-i, ni yangluba film ‘Kaabil’ nung tongti shilem agisang Hrithik Roshan indang sempet ngua kanga süngmanger aser Hrithik den külemi inyaksemer director temji kanga tia taka, ta ashi.
Gupta Twitter den sensaksem ka akaba mapang pai Hrithik tenüng sanga liasü.
“Director mashi ka atema Hrithik nübuji kanga tajung,” ta pai Twitter ajanga lemsatepogo.
“Kaabil” film nung Yami Gautam-ia tongti shilem agir aser “Bang Bang!” film sülen ano iba film nunga Hrithik-i action tsütsü shilem agir. Iba film atema Gupta-i south India film “Sivaji”, “Anniyan” aser “Ghajini” nung action director Peter Hein den loktper inyaker.
“Kaabil” film ya Rakesh Roshan-i FilmKraft Productions kübok produce asür aser January 26, 2017 nung sayatsü sentong lir.
Film tangokba maparen ajak taküm October ita nungsa tembangtsü, ta Gupta-i metetdaktsüogo.