Directorate of School Edu.-i temelenshi metetdaktsü

Dimapur, Chiteni/July 6 (TYO): June 11 nü Directorate of School Education office sangdong ka ajanga metetdaktsüba den bendenloksema maneni Principal Director School Education Shanavas C IAS-i, Government Higher Secondary School tem nung Class XI Admission inyakyim melenshiba metetdaktsüogo. Covid-19 tashidak pokteter aliba ajanga Nagaland kübok district balala mokdanga aliba agi tetsükdaktsü aodokba sülen candidate kari admission taa agütsütsü asoshi tatembangbuba anogo atsülangtsütsü mepeshiba apir tetuyuba melenshitsüogo.

1. Admission taa benoktsü asoshi tatembangbuba anogo; 09 July 2020
2. Stream melentsü asoshi shimtetba kaketshirtem taa 13 – 14 July 2020 nung agütsütsü.
3. Waiting List nungi shimtetba kaketshirtem taa 13- 16 July nung agütsütsü.