Directorate of School Education-i sangdonger

Kohima, November 10 (TYO): Directorate of School Education-i sangdong ka ajanga G/T Seniority list renemtsü asoshi November 17, 2017 anogo tashi nung Directorate of School education nem Matric nungi tenzüka tazüngba kulikakettem aser appointment order agütsütsü asoshi Graduate Teachers aser SSA & RMSA tesayurtem nem ano maongka khen agütsür, ta metetdaktsü.
“Seniority list yanglutsü atema Association aser tesayurtem telok kari documents aser sen sarur, ta ketdangsertemi osang angazükogo, aser ibaji Department den mangatettepi inyaker iba den külemi Department-i lateta aliba anema lir. Seniority list renemtsü tashiji Department dak dang lir, anungji associations mesüra telok balalai renemba list ji magizüktsü,” ta kasa sangdong ajanga metetdaktsü.