Directorate of Technical Education-i metetdaktsür

Dimapur, Luroi/August 3 (TYO): Directorate of Technical Education-i, state meyong Polytechnics nung küm asem Diploma course balala agitsü asoshi candidates tem shimba sangdongogo.
Tang shimmer aliba candidate temi acceptance/refusal shiti Directorate of Technical Education nem August 14, 2020 nü (http://www.dtenagaland.org.in) mesera iba masüdang agütsütsü asoshi metetdaktsüogo. Candidate kari danga atakzükja aliba anogo nung pa/la acceptance shiti magütsüra parnok shimmer aliba thitsütsü.
Kasa mapang nung candidate shirnoksa meshim, parnoki Diploma seats atema atakzükja aliba application form tem ajanga tanaben apply sütettsü. Menden tazüng kar danga adokra merit apir item applicant tem tanaben asadangshitsü. Nomination shiti August 24, 2020 nü agütsütsü, ta kasa sangdong ajanga metetdaktsü.