Directorate of Youth Resources & Sports ajanga senden jateper

Kohima, June 24 (TYO): Directorate of Youth Resources & Sports, Nagaland Joint Director-i tebang agi ashiba ama state nung National Sports Code amshia aotsü asoshi jembishinütsü atema department ajanga 28 June, 2017 anogo 12:00 ako nungi Directorate indang Conference Hall nung senden ka amentsü ayonger.
Tang tasenba National Sports Code ajanga saisapong indang inyakyim ajunga nung kongshir aser iba Code ya Olympic Association aser sports association ajungai kanga junga angatettsü nüngdaker. Anungji Nagaland Olympic Association nung affiliate süa aliba Sports Association ajunga iba senden nung arua adentsü asoshi Nagaland Olympic Association nung Secretary General, T. Meren Paul ajanga sangdong ka nung metetdaktsü.
National Sports Code ya tapak 300 dak tali nung lir asünung department ajanga iba indang hard copy ya Association ajak nem magütsütettsü, anungji internet nungi agizüka azüngtsü asoshi lenir ajanga-sa shisem.