‘Dishoom’ film agi mezüng hopta nung sen crore 35 aatet

Mumbai, August 1, 2016 : Varun Dhawan, John Abraham aser Jacqueline Fernandez nungeri shilem agiba aser Director Rohit Dhawan-i direct asüba “Dishoom” film sayar mezüng hopta nung sen crore 35 aatetogo.
“Dishoom” film sayanü, Hokolbarnü (July 29), sen crore 11.05, tananü sen crore 12.02 aser Deobarnü sen crore 14.25 aatet, ta producers tem sangdong ka ajanga metetdaktsü..
Iba film ya Sajid Nadiadwala-i Nadiadwala Grandson Entertainment kübok produce asü aser Eros International-i belenshia liasü. “Dishoom” film nung India nunger batsman tajungtem Middle East nung samar police temi bushiba otsü lir.
Iba film nung John aser Varun nati police shilem aser Akshaye Khanna-i nisung tamajung shilem agia lir.
India nung tzünglu malu asübo ano iba dang ya timba aateter lila, ta trade analyst Taran Adarsh-i ashi.
“Linük tesem aika nung tzünglu aluba ajanga ‘Dishoom’ film agi imlaba ama maatet. Tsüngsang junga aliasübo iba dang ya timba aatetla,” ta Hombarnü Adarsh-i Tweet asü.