District 11 nungi DCC tirtemi aitsür

Dimapur, October 17 (TYO) : October 16, 2015 nü party nungi anenja alirtemi nisung kar Congress Bhavan Kohima-i taa agüja anir arur PCC President indang office shibangtsütsü merang, ta District 11 nungi DCC President temi sangdong ka nung metetdaktsü.
Party nungi anenja aliba lennirtemi parnoki inyakba mapa atema kuli agütsütsüla, kechiyong parnoki inyakba mapaji tashitemetetertem aliba loktii magizüker, ta Kughato Aye, President DCC Dimapur, Aluibe Iheilung, President, DCC Peren, Kevi Vizo, President, DCC Kohima, Mikha Kenye, President DCC Phek, Tia Lkr, President, DCC Mokokchung, Hoveto Kiba, President, DCC Zunheboto, Rabomo Ngullie, President, DCC Wokha, Takyong Konyak, President, DCC Mon, Shanngai Phom, President, DCC Longleng, Mosha Chang, President, DCC Tuensang aser S Thritsali Sangtam, President, DCC Kiphire nungertem külem sangdong ka nung metetdaktsü.
Anenja aliba züngsemtemi Kohima ji Nagaland yimtiba aser kin ajak aliba tesem ka lir ta angatettsüla, ta parnokisa ashi.
Onoki NPCC President K Therie lenisüba nung tamang akar aser telok ajungtsü atema züngsem ajaki atsüanem kahtepa inyaksangshitsü mepishir. Tang kanga dang tongtipang mapang ka nung züngsem ajaki party tetuyuba sülen anidaktsü mepishir, ta district tirtemisa sangdong nung metetdaktsü.