District 5 nung ‘load shedding’ alitsü

Dimapur, December 19 (TYO): Mokokchung, Tuensang, Mon, Zunheboto aser Longleng district tem nung load shedding alitsü ta Mokokchung Transmission Division-i metetdaktsü.
Grid nung power peria maliba ajanga anepdang aser nikongdang ghonda ka ka load shedding alitsü ta Executive Engineer, Er. Mhonlumo Kikon-i sangdong ka nung ashi.
Grid nung power peria mangu tashi load shedding alitsüm anungji district pungu nung electricity consumer temi timtem arema atatsü mepishia metetdaktsür, ta Er. Mhonlumo-isa shisem.