District balala nung tesayurtem anogo among

Dimapur, September 05 (TYO): September 5 nü linük nung Tesayurtem Anogo amungba den liromedema Mangkolemba nunga ADC, Imtiwapang Aier tongti tesemdanger süa town hall nung kanga takok ngua sentong agiogo.

Iba anogo tulu nung adener tesayurtem tenüngsanga pelaba lemsatepdang, Imtiwapang Aier-i, kaketshisatsüji taküm piyong asoshi aser tesayurtemji tangazükertem taküm asoshi len tuyur aser terenlok agütsür ka ka lir, ta ashi.

Paisa, Mangkolemba sub division nung tesayurtem meranga inyakba tushia ashidang, Imtiwapang-i, Mangkolemba nung nüngdakba kechisarena peria meliaka tesayurtemi tang tensa den putepa technology tasen metetyim nung yakyaka alitsüla, kechiba süra tanü asüng lanurtemi itemji nüngdaker, ta tesayurtem dang ashidang tesayur shiai kaketshir ka dak aliba sempet tajungtiba adokdaktsüba nung yaritsüla, ta shisem.

Sentong tenzüka MBC Pastor, Mar-i sarasadem aser Govt. aser nija school tem nung shilem balala agiba sülen Christian Education Department Director, Alemla-i sarasadema sentong tembang.

Victoria, Pangerchiba memorial school, Longchem, Imdangpongla, GPS Medemyim, Bendangmenla GPS Alongkima, M. J. Kalita,GMS Alongkima, Kakoho GPS Aghautito aser J. J. Char G/T GHS Tsurangkong nungeri iba sentong nung zonal award ngua liasü.

Kasa anogo nung PBCA Convention Hall, Longleng nunga “You have changed my life, Dear Teachers” omen nung ajemdaker tesayurtem anogo kanga takok ngua mungtetogo. Sentong nung B.S.Nganlang Phom, Parliamentary Secretary, Land Resources & Excise, Nagaland tongti tesemdanger liasü.

Pai, kaketshirtemi tesayurtem kanga akhümtsübua aser tushia amshiba tatishi kar ashi tesayurtem ajungshiba den lanur ka nem shisatsü shitak agütsütsü asoshi ano tali meranga inyaktsüla, ta ayongzük.

Iba sentong nung tesayur 12 nem tesayur tajungtiba sempet agüja liasü aser parnokji B. Chingshau GT GHS Yachem, Chingkam PT GPS Yongshei, B. Chongngoi PT GMSTangha, H. Alemba PT GPS Yachem, B. Ongshong GT GHS Longleng, T. Nganen PT GPS Yongnyah-C, N. Pongi PT GPSYangching, Moilen GT GMS Pupei, Methai PT GPS Kangching-B, Mahadep Mahapradra GT GHS Yachem, Nageshwar Rai GT St. Joseph’s School Longleng aser Pudul Gogoi GT Good Shepherd High School Longleng nunger lir.

Iba sentong nung school balala nungi ken, sangro aser tsüngsang balala ajanga shilem agia liasü aser tesayurtem anogo teratet Wt. Temsusenla Jamir, SDEO Longleng ajanga agüja liasü.

Tesayurtem Anogo nung SDEO,Changtongya kübok award angurtem:-

Wb. Marzulu. P/T         GMS. Tuli “A”, Wt. Meyinukla. G/T GPS. Kangtsung “B”, Wt. I Jongshimongla. Lkr. P/T GPS. Elect.CTN, Wb. N. Temjen Lkr. P/T      GMS. Longchara. CTN, Wb. I. Meren Jamir. G/T GPS. Alimang.Yaongyimsen, Wt. Satemlila .P/T GPS. Ongpang, Changtongya, aser Wb. N. Moatoshi .H/T GPS.Tzudikong.