District Health Society lepareprangshiba senden amen

Dimapur, Mongputeni/October 22 (TYO): District Health Society Committee, Kohima lepa reprangshiba senden ka October 22 nü DC indang Conference hall, Kohima nung menogo. Iba senden ya District kübok health units tem inyakyim aser jenjang dak ajemdaker agi.

CMO Kohima, Dr. Vezokholu Theyo-i, health centre jenjang, ANC, laboratory aser patient services, deliveries, immunization, family planning aser Covid-19 vaccination jenjang dak sendakba nung osang agütsü. Laisa, National Urban Health Mission (NUHM), RashtriyaBalSwasthyaKaryakaram, NVBDCP IEC / BCC activities done by the Districts, National Leprosy Eradication Programme (NLEP), Non Communicable Disease, Law Enforcement Activities aser Nagaland Healthcare Acts onüktem dak ajemdaker jembi.

Kasa mapang nung District TB Officer, Dr. Akaba Jamir-i, state nung tuberculosis tashidak agi nisungtem menaba jenjang indang metetdaktsü. Pai, Alima nung India nung Tuberculosis Infection (TBI) timba lir aser India nunger nütsüngyongsük crore 34 nungi 40 shidak TBI keta lir aser lakh 26 dak küm shia TB tashidak potetba asatetogo, ta ashi.

Paisa, 2025 küm tashi nung TB tashidak meshimeshia samatsütsü atema India Ato Kilonser-i “TB Hareega Desh Jeetega campaign-TB free India mission” amala sentong balala tenzükogo koba Minister of Health & Family welfare-i 2019 küm September 25 nü amenokja liasü, ta ashi.

Maneni Dr. Akaba-i, NTEP kübok metzü angati tendangtsü, angati mozü, angati agi temang anepalutsüba, Nutritional Support (NPY), senzüsenpong nung teyari aser senotsü teyari agütsüba indang metetdaktsü.

Senden nungsa DPO, DAPCU, Sentimongla Tsudir-i Nagaland nung HIV/AIDS jenjang aser state nung aliba facility tem indang metetdaktsüba den district nung DAPCU-i sentong balala ayongzüka agiba indang lemsatep.