District Hospital Mokokchung review senden agi

Dimapur, September 21 (TYO) : September 18, 2015 nü IDSP Hall IMDH nung District Hospital Mokokchung review meeting agi.
Iba sentong nung Directorate of H&FW Kohima nungi Dr. Narola Ao, Addl Director, Dr. John Sweyievisa, Add Dir, Dr Kika Longkumer Dy. Director nunger den CMO aser staffs, IMDH Doctor tem, Programme officers, School of Nursing aser DPMU staff nungertem aden.
Iba senden nung mendenji CMO Mokokchung liasü aser pai Directorate of H & FW Kohima aser Mokokchung nungi ketdangsertem ajak pela agizük.
Dr. Kika Dy. Director-i tesüiba küm pungu tsüngda district Hospital nung mapa inyaka aruba indang power point presentation ka sayu.
Paisa, Child birth, family planning, IUCD insertions, measles, Diarrhoea, Malaria nungertem indang onük jembi aser Hospital ketdangsertem dang mozüki tashi itdaktsütsü ayongzük.
Dr. Kika-isa district programme officer aser DCMO dang hopta nung anogo asemnü District Hospital nem teyari agütsütsü mepishia metetdaktsü.
Dr. Narola. Ao-i o jembidang Mokokchung district nung health status jenjang mejungi akümba atema ashi aser health workers temi temelenshi bener arutsü atema inyaktsü ayongzük.