District Hospital Mon-i ‘Kayakalp award’ agizük

Dimapur, June 28 (TYO) : Prime Minister, Narendra Modi-i October 2, 2014 nü tenzüktsüba ‘Swachh Bharat Abhiyaan’ maparen yarisemtsü nükjidong nung Ministry of Health & Family Welfare, Government of India-i linük nung public health facility nem sempet agütsütsü atema sentong ka tenzük.
Iba dang Kayakalp award ta ajar aser public health facility nung cleanliness, hygiene & infection control nung ajemdaker takoker shima sempet agütsür.
June 28, 2016 nü Nagaland nunga IDSP hall, Directorate of Health & Family Welfare nung Kayakalp award agütsüba sentong agia liasü.
Kayakalb/guidelines nung ajemdaker Naga Mothers’ Association den NGOs teloktem nungi züngsemtemi November 2015 nung external reassessment agia liasü. Iba mapang parnoki hospital facility merükmejua ayuba, sanitation & hygiene, waste management, infection control, hospital support services aser hygiene promotion tem repranga liasü.
Ministry of Health and Family ajanga telatetba agütsübatem nung ajemdaker Nagaland nung District Hospital Mon-i mezüngbuba sempet angu aser parnok nem sen lakh 50 senpet agütsü. Ano, District Hospital Mokokchung nema commendation award ka agütsü aser iba nung sen lakh 3 senpet dena lir.
Tanü Kayakalp award agütsüba sentong nung mendenji Principal Director H&FW Nagaland, Dr. L. Watikala liasü aser lai District hospital staff dang sen timi amshitsü tayongzükba agütsü.
Sentong nungsa State Programme Officer (SPO) NHM, Thangho-i Lam-i Kayakalp indang teratet metetdaktsü, Director RRC-NE, Dr. Bamin Tada-i o tatsüka jembi aser Mission Director NHM, Dr. Yankho Lotha-i anküp tepela o jembi.
Sentong nung Commissioner & Secretary, Health & Family Welfare Nagaland, M. Patton, Managing Director NHAK, district ajak nungi CMO tem aser Medical Directorate nungi ketdangsertem aika aden.
2016-17 atema Kayakalp award nung Community Health Centers aser Primary Health Centers adentsü.