District Jail Tuensang nung Disaster Management Training agi

Tuensang, March 09 (TYO): March 08, 2019 nü Home Guards & Civil Defence, Tuensang-i ayongzüka Tuensang district Jail nung alirtem atema Disaster Management Training ka katsüogo; iba sentong nung tetushi tejaokerji District Commandant, Home Guards & Civil Defence Tuensang, Ngongvai. E. Phom liasü, ta tanü ketdangsertem osang ka ajanga metetdaktsü.
Iba sentong nung jembidang pai home guards aser civil defence na tepila/tetsüngda metetdaktsü.
Paisa, iba ama awareness programme ya tang mezüng district Jails nung agir, ta ashi.
Jail nung alirtem den jembidang Commanding Officer-i, lendongji tapu balala asutsü akok- lendong kar alima tzü mopung lendong lir aser lendong karbo nisungi yanglutetba lendongtem lir; item ama lendong mapang nung takümtem kümzüktsü atema rongdak mapang kümzükba maparen inyaktsü asoshi renema alitsü nüngdak, ta metetdaktsü.
Mock drill agiba mapang nung civil defence sepaitemi rongdak mapang kümzükba tasa balala, triangle aser rolled bandages indang training agutsü.
Sentong tetenzüklen Superintendent of Police Jail, K. Hamtok Phom-i lokti pelaa agizükba o jembia liasü. Iba sentong nung jail nung alirtem aser staff ajak dena liasü.