District Level Implementation Committee senden amen

Dimapur, Metsüremi/March 9 (TYO): Pradhan Mantri Shram Yogi Maan-dhan (PM-SYM) aser National Pension Scheme for Traders and Self-Employed Persons (NPS-Traders) atema District Level Implementation Committee senden ka March 09 nü ADC Planning conference hall, Mokokchung nung menogo. Iba senden ya ADC Mokokchung, W. Manpai Phom lenisüba kübok agi.
Senden nung Mokokchung district kübok sentong balala yanglua aliba takok ngua inyakyonga aotsü aser scheme balala inyakyonga aoba asadanga alitsü asoshi sensak asem. Mendenpubai iba dak sendaka aliba Department ajak dang district nung scheme tem takok ngua inyakyonga aotsü asoshi special enrolment drive ka ayongzüka agitsü tuyuogo.