Ditso Mero Memorial Excellence Award agütsü

Kohima, May 28 (TYO): HSLC tatidang nung top 20 jenjang nung takok angur Chakhesang kaketshirtem nem Ditso Mero Memorial Excellence Award agüja liasü.
Tanü Baptist Church Kohima (CBCK) nung iba Award angurtemji, Greenwood School Dimapur nungi Ravelii Nienu (Top 7), Northfield, Khikha nungi Seso Koza (Top 18) aser Chandmari Higher Secondary School Kohima nungi Pungolu Kezo, (Top 20) nunger liasü, aser par asemprongla nem senpet 10,000 den citation agütsüogo.
CBCK Senior Pastor, Rev. Khrotso Mero-i par asem nem tenüngsang agütsüba den külemi maneni meranga inyakba ajanga kin nem ano konang nüngsang bener arutsütsü ajungshia liasü.
Sentong nungsa Chakhesang Baptist Church Council (CBCC) Executive Secretary, Rev. Dr. Vezopa Tetseo-i par asem nem sarasademja liasü.