Diwali bomb nung tsüngremtem noksa mamshitsü

Virudhunagar, October 16 (Agencies): Hindu nunger benjung Diwali nung amshiba bomb tila parnok tsüngremtem noksa agi aleper ayoktsü memelar kechiba süra bomb poker taleptsü entoka aliba nung tsüngremtem noksa angudang nüburtemi temulung shiranga bilemer, ta Tamil Nadu, Virudhunagar district nung ketdangsertemi ashi.
District Revenue Officer-i Tamil Nadu Fire Cracker Manufacturers Association (TNFCMA) dangi iba dak sentakba nung tezüluba ka yokogo, ta sangdong ka ajanga metetdaktsü.
District Collector, V Rajaraman-i ashiba agi, Akhil Bharat Hindu Mahasabha (ABHMB-i taleptsü entoka aliba nung tsüngremtem noksa angudang nüburtemi temulung shiranga bilemer ta shia Diwali nung amshiba bomb tsüngremtem noksa agi maleptsüla ta mepishia liasü.
Joko küm aika iba amala bomb ya Hindu nunger tsüngrem tenüng balala zülur ayoker.
TNFCMA Tir, G Abiruben, iba bomb yangluba industry temi tan tetuyuba agütsüba ya tashi anga shitak amshitsüla, ta osangbenertem dang ashi.
Paisa, item noksa ya bomb alepba nung 1924 küm nungi amshia arur, ta shisem.