Djokovic, Federer, Maria aser Serena nunger quarter final tongogo

Melbourne, January 24 (Agencies): Deobarnü World number one Novak Djokovic-i France nunger Gilles Simon madak takok anguba sülen Grand Slam quarter-final-i atonga atonga 27 ben buba iogo.
Grand Slam 10 ben ngua alisangi tang tasayadak Australian open asayamung nung gondha 4 ser minute 32 tashi asayaba sülen pai 6-3, 6-7 (1/7), 6-4, 4-6, 6-3 agi Simon madak takok ngua liasü.
Quarter final nung pa Japan nunger Kei Nishikori den asayatsü.
Deobarnü asaya nung Djokovic-i 100 ben zükpeta liasü saka tatem nungbo pai akok.
Pezüben tashi champion bena alisang, Roger Federer-i Deobarnü asaya kanga kara 6-2, 6-1, 6-4 ngua Australia nunger David Goffin madak takok angu. Pai tan agi 47 ben buba Grand Slam quarter-final atonger asütsü. Quarter final nung pa Tomas Berdych den asayatsü.
Agnieszka Radwanska-a Anna-Lena Friedsam akokba sülen quarter final-i iogo.
Polland tsürlai  6-7 (6/8), 6-1, 7-5 agi Germany tsürla madak takok ngua la-a quarter final tongogo. La spain tsür Carla Suarez mesüra Australia tsür  Daria Gavrilova den qayarter final asayatsü.
Sharapova-i Deobarnü asaya nung ace 21 züka 7-5 7-5 agi Switzerland tsür Belinda Bencic madak takok angu aser quarter final nung Serena Williams den asayatsü.
Kasa anogo nung Serena Williams-i minute 44 tsüngda nung 6-1, 6-1 agi Russia tsür Daria Kasatkina madak takok anguba ya Australian Open nung tatsütiba asayaba otsü tasen kümogo.