Djokovic-i 700 buba ATP asaya akoker asayar akümtsü alizüng ayur

Dubai, February 23 (Agencies): Serbia nunger tennis asayar mongin, Novak Djokovic-i Spain nunger Tommy Robredo madak takok ngua tang tasayadak Dubai Tennis Championships nung yashi, Hombar nü shilem agiogo.
Yashi takok ngua ATP asaya 699 buba akoker akümsang, Djokovic-i maneni takok ngua ATP asaya 700 buba akoker akümtsü alizüng yua lir.
“Alizüng shiaji kanga dang tongtipang lir. Ni tan asayamong nung ATP asaya 700 buba akoker asayar akümtsü alizüng yua lir,” ta tebur World No.1, Djokovic-i metetdaktsü.
Taküm 2016 küm tenzüker tanü tashi nung Djokovic-i Doha aser Melbourne na densema, asayamong 2 tashi indang takok marok agizüka lir.
Tan asayamong nung temaba jenjang abensang, Djokovic-i Tunisia nunger Malek Jaziri den taruba asaya nung ajuruteptsü.
Cyprus nunger Marcos Baghdatis-ia points 7-6 (7/2), 6-2 ngua Serbia nunger Viktor Troicki madak takok ngua Canada nunger Vasek Pospisil den taruba asaya asayatsü jenjang nguogo.
Pospisil-ia points 6-3, 5-7, 6-4 agi France nunger Lucas Pouille madak takok angu.

You must be logged in to post a comment Login