Djokovic-i David Goffin tsükdaktsü

London, November 18 (Agencies): Serbia nunger Novak Djokovic-i Belgium nunger David Goffin madak takok ngua, tebur tennis asayar tarensen nung World No.1 akümtsü alizüng asangsang nung ajangzüktsüsa tang tasayadak ATP Tour Finals nung yashi, Brehostibar nü shilem agiogo.
Pa densemba group nung temaba jenjang abener asayar küma, Djokovic-i tan asayamong semifinal asayatsü jenjang ajangzüka lir saka pai Britian nunger Andy Murray ajangteta, tanaben World No. 1 akümtsü alizüng yur, tan asayamong nung atonga takok ngua asayatsü tenzüka lir.
World No. 2, Djokovic-i yashi minute 69 nung points 6-1, 6-2 ngua, Goffin ayong ayonga tsükdaktsü.
Tan takok anguba ya arishi küm 29 tain Djokovic-i Tour Finals asaya 22 nung asaya 21 buba akoker lir.
Djokovic sülen anidaka, Milos Raonic-ia points 7-6 (7/5), 6-3 agi Austria nunger Dominic Thiem tsükdakja, Tour Finals semifinal asayatsü jenjang ajangzüker mezüngbuba Canada nunger tennis asayar akümba osang angazükogo.