Djokovic-i Nadal koka China Open trokben buba benogo

Beijing, October 11 (Agencies): Deobar nü 2015 China Open Beijing nung Novak Djokovic-i Rafael Nadal koka asayamung nung temaba marok ngutetogo.
Taoba mapang China Open champion Serbia nunger Novak Djokovic-i 6-2, 6-2 agi Grand Slam 14 bena alisang Rafael Nadal madak takok angu.
Tennis asaya nung World no 1, Djokovic-i Nadal den asaya arudang 22 ben kokogo aser Nadal-i pa 23 ben koka lir.
Iba den külemi tetsür kija asaya nung Garbine Muguruza-i la asaya aruba nung tan mezüngsüa takok tulu nguogo.
Arishi küm 22 tain Muguruza-i 7-5, 6-4 agi Timea Bacsinzky madak takok anguba ajanga iba asayamung nung temaba marok ngutetogo.