Djokovic-i World Tour Finals takok marok agizükogo

London, November 23 (Agencies): Serbia nunger Novak Djokovic-i Switzerland nunger Roger Federer madak final asaya koka ATP World Tour Finals singles shilem indang takok marok yashi Deobar nü agizükogo.
Tebur World No. 1 Djokovic-i yashi points 6-3, 6-4 ngua Federer tsükdaktsüba sülen takok marok den külemi, senpet sena dollar sen million 1.05 agizük.
Arishi küm 28 tain Djokovic-i tan akokba ya densema, ATP Tour Finals asayamong ayonga asayatsü tenzüker küm 46 tashi nung iba takok marok 4 ben tashi atonga agizüker mezüngbuba asayar küma otsü tasen yangluogo.
Ano, pai tan takok anguba sülen, Pete Sampras aser Ivan Lendl na sülen anidaka iba asayamong takok marok 5 ben tashi agizüker asayar 3 buba akümer lir.
Federer kijai Tour Finals takok marok 6 ben tashi agizüka iba takok marok timba agizüker otsü yanglua lir.
Tan takok anguba ya densema, Djokovic-i taküm 2015 küm tenzüker tanü tashi nung shilem agiba asaya 88 nung asaya 82 buba akokba osanga jangjaogo.
“Takokba nung küm tembangtsüsa jenjang tajung anguba atema kanga pelar,” ta Djokovic-ia tesülen metetdaktsü.