Djokovic o Murray na Wimbledon final nung ajuruteptsü akok

London, June 22 (Agencies): Serbia nunger Novak Djokovic aser Britain nunger Andy Murray nati 2016 Wimbledon tennis asayamong final nung ajuruteptsüsa asayatsüren tanü, Bodbar nü lemzükogo.
2016 Wimbledon asayamong nung World No. 1, Djokovic-i 1 buba jenjang aser World No. 2, Murray-i tanabuba jenjang abentsü jenjang ajangzüka aliba osang ka All England Club ketdangsertemia tanü metetdaktsü.
Tenati tan 1 buba aser 2 buba jenjang ajangzükba ajanga tenati final nung ang ajuruteptsüsa jenjang angur lir.
Djokovic-i tan agi Wimbledon takok marok 4 buba agizüktsü alizüng yua lir aser Murray-ia taküm final nung takok ngura, ibaji Wimblendon takok marok 3 buba agizüker alitsü.
Ano külen, taoba mapang Grand Slam takok marok 17 tashi agizüksang, Switzerland nunger Roger Federer-ia tan asayamong nung 3 buba jenjang abentsü jenjang ngua lir aser paia tan agi Wimbledon takok marok 8 buba agizüktsü alizüng ayuba osang jangjaogo.