Djokovic o Nadal na semifinal asayatsü

Indian Wells, March 19 (Agencies): Serbia nunger Novak Djokovic aser Spain nunger Rafael Nadal nati pei asaya koka tang tasayadak Indian Wells tennis asayamong tebur singles semifinal asayatsü jenjang yashi, Hokolbar nü ajangzükogo.
Tebur World No. 1, Djokovic-i ghonda 2 ser minute 6 nung points 7-6 (7/2), 7-6 (7/2) ngua tan asayamong nung 9 buba jenjang nung alir, France nunger Jo-Wilfried Tsonga quarterfinal nung tsükdakja semifinal-i ai.
World No. 5, Nadal-ia minute 93 nung points 6-4, 6-3 ngua Japan nunger Kei Nishikori madak quarterfinal asaya akok.
2007, 2009 aser 2013 densema, taoba mapang Indian Wells takok marok 3 ben tashi agizüka alisang, Nadal-i taoba ita 18 tsüngda nung takokba ka danga mongoteti lir aser Djokovic-i tan agi Indian Wells takok marok 5 benbuba akoktsü alizüng yua lir.
Nadal aser Djokovic nati tanü tashi nung 47 tashi ajurutepa toktepa asayadang Djokovic-i asaya 24 koka, asaya 23 akoksang Nadal den asaya ka agi timba akokba osang bushitetogo.