Djokovic o Wawrinka na US Open final asayatsü

New York, September 10 (Agencies): Serbia nunger Novak Djokovic aser Switzerland nunger Stanislas Wawrinka nati semifinal asaya nung takok ngua, tang tasayadak 2016 US Open asayamong tebur singles final asayatsü jenjang yashi, Hokolbar nü nguogo.
Tebur World No. 1, Djokovic-i yashi points 6-3, 6-2, 3-6, 6-2 agi France nunger Gael Monfils semifinal nung tsükdaktsü aser tan asayamong nung 3 buba jenjang abensang, Wawrinka-ia points 4-6, 7-5, 6-4, 6-2 ngua, Japan nunger Kei Nishikori madak takok angu.
Defending champion, Djokovic-i tanü tashi nung 23 ben tashi ajurutepa asayadang Wawrinka madak 19 ben tashi takok ngua lir.