Djokovic tanga temaba jenjang nung lir

Madrid, October 17 (Agencies): Tanü, Hombar nü tesüsa adoktsüba Association of Tennis Professionals (ATP) asayar tarensen nung Serbia nunger tennis asayar, Novak Djokovic tanga World No. 1 aliba osang jangjaogo.
Tawa tembangba Shanghai Masters asayamong semifinal nung Spain nunger Roberto Bautista-i tsükdaktsüba sülen Djokovic-i points 640 tashi takoksa angu saka pai tanga ajak agi points 12.900 ngua, temaba jenjang nung maneni alitsü jenjangji anguba osang angazükogo.
Djokovic sülen anidaka, Britain nunger Andy Murray-i Shanghai Masters takok marok agizüka, points 640 ajangzükba sülen ajak agi points 10.485 ngua, tanabuba jenjang nung aliba osang jangjaogo.
Djokovic o Murray na sülen anidaka, Switzerland nunger Stan Wawrinka-i points 5.820 ngua, tasembuba jenjang nung lir.
Ajak agi points 4.650 ngua alisang, Japan nunger Kei Nishikori 5 buba jenjang nung yutsür, Canada nunger Milos Raonic-i points 4.690 ajangzüka, tang 4 buba jenjang nung lir.