DK Entertainment-i World Music Day amongtsü

Kohima, June 19 (TYO): State Academy Hall, Kohima nung 2017, June 21 anogo nikongdang 5:30 ako nungi tenzüka DK Entertainment-i World Music Day amongtsü.
Iba sentong nung DK Entertainment ajanga kentener telok aser artist balala nem parnok sempet sayutsü asoshi maongka agütsütsü. Nagaland Music Award angur, Mengu Suokhrie den Moko Koza, Ato Nienu, Dziesekhrienuo Keretsü, N.T amala artist temi “Motivating Artist” ama iba sentong nung shilem agitsü.
Iba sentong ya nübur ajungai angati arua reprangtettsü aser iba sentong asoshi Fun Tree Crew, Chromatic Clef aser ken meimer kija aser lokti balala-i yariteba amongtsü, ta DK Entertainment nung iba sentong achayanger, Khrievotuo Sekhose-i sangdong ka nung metetdaktsü.