DLCC senden nung school 8 nem “Tobaccoo Free School” kulikaket agütsü

DLCC senden nung school 8 nem “Tobaccoo Free School” kulikaket agütsü

Dimapur, May 31 (TYO) : 2016-17 mezüng quarter atema Dimapur District Level Co-ordination Committee Review sneden menogo.
Iba senden ya May 27, 2016 nü DC Conference Hall Dimapur nung ayongzüka amen aser SDO (Civil) Dimapur, James Swu, Deputy CMO Dimapur, Dr. Antoly Suu, DPRO, Dimapur Lolano Patton nungeri school 8 nem “Tobacco Free School” kulikakettem lema agütsü.
“Tobacco Free School” kulikaket angurtem: 1. Rev Inache Memorial Mission School 2. Lizwoodland School 3. Zakiesato Memorial Higher Secondary School 4. Life Foundation School 5. Assam Rifles High School 6. Kendriya Vidyalaya 7. Hollotoli School aser 8. North East Institute of Social Science And Research.
Senden nung Dr. C. Tetseo(DNO,NTCP)-i o jembidang ashiba agi, school tanurtem dang moko achiba ajanga takoksa bener arutsü metetdaktsütsü atema tobacco free school dak temulung agüja mapa inyaker.
World No Tobacco Day 2016 nü State Level Committee-i Dimapur district nung aliba school 50 nem sempet agütsütsü aser iba sentongji May 31 nü Christian Higher Secondary School Dimapur nung amungtsü, Dr. Tetseo-isa metetdaktsü.
Senden nung mendenji SDO(C) Dimapur James Swu liasü, DEO, Naro Jamir-i tesentepertem pela agizük aser Christian Hr. Secondary School Dimapur nungi Veronica-i “Being a Tobacco Free School” ta ser report agütsü.

You must be logged in to post a comment Login